بلوچستان کے مرکزی شہر کوئٹہ میں گذشتہ روز ڈبل روڈ پر پولیس پر ہونے والے بم دھماکے کا ایک اور زخمی ہسپتال میں دم توڑ گیا ہے ۔
کوئٹہ کے سول اسپتال ٹراما سینٹر میں زیر علاج زخمی زخموں کی تاب نہ لاتے ہوئے ہلاک ہو گیا۔
گزشتہ روز کوئٹہ کے علاقے ڈبل روڈ پر ہونے والے دھماکے کا ایک اور زخمی سول سنڈیمن اسپتال میں دم توڑ گیا جس کے بعد ڈبل روڈ دھماکے میں ہلاک افراد کی تعداد 4 ہوگئی۔
زخمیوں میں سے مزید 2 کی حالت تشویشناک ہے، دھماکے کے 8 زخمی تاحال ٹراما سینٹر اور سنڈیمن اسپتال میں زیر علاج ہیں۔
خیال رہے کہ گزشتہ روز ڈبل روڈ پر موٹر سائیکل میں ریمورٹ کنٹرول بم دھماکے میں تین افراد ہلاک جبکہ 21 زخمی ہوئے تھے۔
دھماکے کی ذمہ داری تاحال کسی تنظیم نے قبول نہیں کی ہے ۔
دھماکے میں کینسر کے امراض کے ماہر اسسٹنٹ پروفیسر ڈاکٹر مہر اللہ ترین بھی شامل ہلاک ہوگیا تھا جو دوران دھماکاادھر سے گزر رہے تھے کہ زد میں آگئے۔
