بلوچستان کے صنعتی شہر حب سے بلوچ یکجہتی کمیٹی احتجاج میں گرفتار عمران بلوچ کو پولیس نے تھری ایم پی او کے تحت مقدمہ دائر کرکے گڈانی جیل منتقل کردیا ہے۔
بلوچ اسٹوڈنٹس آرگنائزیشن کے سابق چیئرمین و نیشنل پارٹی کے کامریڈ عمران بلوچ کو حب انتظامیہ نے تھری ایم پی او ایکٹ کے تحت سینٹرل جیل گڈانی منتقل کردیا ہے۔
انہیں گذشتہ دنوں حب چوکی بھوانی کے مقام پر بلوچ یکجہتی کمیٹی کی جانب سے لاپتہ افراد کی بازیابی و بی وائی سی رہنماؤں کی گرفتاری کے خلاف دیئے گئے احتجاجی دھرنے سے پولیس نے حراست میں لیا تھا۔
عمران بلوچ کی گذشتہ روز 3MPO کے تحت جیل منتقلی کے احکامات ڈپٹی کمشنر حب کے دفتر سے جاری کردیئے گئے۔
