بلوچستان کے علاقے خاران شہر میں کراچی اسٹاپ پر عسکریت پسندوں نے معدنیات نکالنے والی کمپنیوں کے لئے سامان لے جانے والے ٹرکوں پردستی بم سے حملہ کیا ہے ۔
ذرائع کے مطابق خاران شہر میں کراچی روڈ کراچی اسٹاپ کے قریب سیندک اور ریکوڈک سامان لےجانے والے ٹرکوں پر نامعلوم افراد نے دستی بم سے حملہ کیا اور فرار ہوگئے ۔
حملے سے ٹرکوں کے شیشوں اور ٹائروں کو نقصان پہنچا جبکہ دھماکے سے 2مقامی افراد کے معمولی زخمی ہونے کی اطلاعات ہیں۔
واقعہ کے بعد پولیس نے کارروائی کا آغاز کردیا۔
واضع رہے کہ بلوچستان میں معدنیات لے جانے والے ٹرکوں پر بلوچ عسکریت پسندوں کے حملے اکثر و بیشتر ہوتے رہتے ہیں۔
