بلوچستان کے علاقے کھڈ کوچہ اور حب سےپاکستانی فورسز نے دو بھائیوں سمیت 3 افراد کوجبری طور پرلاپتہ کردیا ہے۔
ضلع مستونگ کے علاقہ کھڈہ کوچہ سے گذشتہ روز بعد از نمازِ عصر فورسزوخفیہ اداروں کے اہلکاروں نے مولوی احمد اللہ نامی ایک شخص کے دو بیٹوں عبید اللہ اور محمد نادر کو جبری حراست میں لے کر نامعلوم مقام پر منتقل کر دیا۔
اسی طرح حب چوکی میں فورسز نے بھوانی چوکی پر کوشک بلیدہ سے تعلق رکھنے والے ایک نوجوان کو حراست میں لیکر جبری طور پر لاپتہ کردیا ہے۔
لاپتہ کئے جانے والے نوجوان کی شناخت جمیل عابد بلوچ ولد مبارک کے انم سے ہوگئی ہے۔
جمیل عابد بلوچی زبان کے شاعر ہیں انہیں رواں مہینے 9 مارچ کو صبح پانچ بجے کے قریب حراست میں لیکر جبری لاپتہ کردیاگیا جس کے بعد وہ لاپتہ ہے ۔
