بلوچستان کے علاقے مستونگ میں کوئٹہ کراچی شاہراہ پر جبری لاپتہ افراد لواحقین کا دھرنا جاری ہے۔
گذشتہ 5 گھنٹوں سے روڈ بدستور بند ہے اور مسافروں کو سخت مشکلات کا سامناہے۔
دھرنا مظاہرین کی اسسٹنٹ کمشنر مستونگ، ڈی ایس پی سمیت دیگر سے متعدد بار مزاکرات ہو ئے تاہم مزاکرات کامیاب نہیں ہوئے، ابھی بھی مزاکرات جاری ہیں۔
واضح رہے کہ گزشتہ رات کھڈکوچہ سے لاپتہ ہونے والے نوجوان بینگو سمالانی ولد غلام مصطفی سمالانی کی لاپتہ ہونے کے ردعمل میں لواحقین نے چونگی کراس اور نواب ہوٹل کے مقام پر دھرنا دے کر روڈ کو ہر قسم کی آمدو رفت کے لئے بلاک کر دیا ہے۔