بلوچستان کے علاقے قلات سے اطلاعات ہیں کہ پاکستانی فورسز نے علاقے میں سرچ آپریشن کے دوران درجنوں کی تعداد میں لوگوں کو حراست میں لیکر نامعلوم مقام پر منتقل کردیا ہے جن کا تاحال کوئی خبر نہیں ہے۔
علاقائی ذرائع کے دعوے کے مطابق 35 افراد کو جبری گمشدگی کا نشانہ بنایا گیا ہے تاہم اب تک ان کی شناخت سامنے نہیں آئی ہے ۔
درجنوں کی تعداد میں لائے گئے گئے افراد میں ایک کی شناخت اشفاق بلوچ ولد خدا بخش ہوئی ہے جنہیں گذشتہ شب ان کے گھر سے جبری طور پر لاپتہ کیا گیا اور اس کی فیملی نے تصدیق کی ہے۔
علاقائی ذرائع بتاتے ہیں کہ گذشتہ شب فورسز نے قلات شہر کومکمل محاصر میں لے کر گھر گھر چھاپے مارے اور تلاشی اور اس دوران متعدد افراد کو حراست میں لے کر اپنے ساتھ لے گئے ہیں لیکن ابھی تک ان کی شناخت نہیں ہوسکی ہے اور علاقہ مکین خوف و ہراس میں ہیں ۔
