کراچی میں پاکستان اسٹاک ایکسچینج پرمسلح افرادنے حملہ کردیا جس کے نتیجے میں پولیس اہلکار سمیت 7 افراد ہلاک ہوگئے جب کہ فورسز کے مطابق جوابی کارروائی میں چار حملہ آور مارے گئے۔
پولیس کے مطابق پیر کی صبح 10 بجے کے قریب چار حملہ آور نے پہلے اسٹاک ایکسچینج کے گیٹ پر دستی بم حملہ کیا اور پھر اندھا دھند فائرنگ کردی، واقعے کی اطلاع ملتے ہی پولیس اور رینجرز کی بھاری نفری موقع پر پہنچ گئی اور آپریشن شروع کردیا۔
پولیس کا کہنا ہے کہ دستی بم حملے اور فائرنگ میں 4 افراد زخمی ہوئے جن میں پولیس اہلکار، اسٹاک ایکسچینج کا سیکیورٹی گارڈ اور 2 شہری شامل ہیں جنہیں فوری طبی امداد کے لیے اسپتال منتقل کردیا گیا۔
پولیس کا بتانا ہے کہ حملہ آور کے حملے میں 2 شہری جاں بحق ہوئے جب کہ ایک پولیس سب انسپکٹر سمیت اسٹاک ایکسچینج کے 4 سیکیورٹی گارڈ بھی ہلاک ہوگئے، اس کے علاوہ پولیس اہلکار سمیت 7 افراد زخمی بھی ہوئے ہیں۔
پولیس کے مطابق پولیس اور رینجرز اہلکار اسٹاک ایکسچینج میں داخل ہوئے اور فوری جوابی کارروائی کرتے ہوئے 3 حملہ آواروں کو مار دیا جب کہ ایک حملہ آور کو اسٹاک ایکسچینج کے ہال میں مارا گیا۔
حملے کے بعد سیکیورٹی اہلکاروں نے قریبی علاقوں کا بھی مکمل محاصرہ کرلیا جب کہ حملے کے بعد آئی آئی چندریگر روڈ کو میری ویدرٹاور اور شاہین کمپلیکس سے ٹریفک کے لیے بند کر دیا گیا ہے۔
واضح رہے حملہ کی ذمہ داری بی ایل اے نے قبول کر لی ہے
(نوٹ: یہ ابتدائی نیوز ہے جس میں مزید تفصیلات آنے پرشامل کئے جائینگے)
(نوٹ: یہ ابتدائی نیوز ہے جس میں مزید تفصیلات آنے پرشامل کئے جائینگے)
