بلوچستان کے علاقے مستونگ میں نوجوان کی جبری گمشدگی کے خلاف اہلخانہ نے دھرنا دے کر کراچی کوئٹہ مرکزی شاہراہ کو بند کردیا۔
جمعرات کے روز مستونگ کے علاقے میجر چوک کے قریب سے لاپتہ کیے جانے والے کلی عزیزآباد کے رہائشی نوجوان کامران ولد حاجی میر احمد محمد شہی کی بازیابی کے لیے اہل خانہ، رشتہ داروں اور عوام نے کوئٹہ کراچی مرکزی شاہراہ کو نواب ہوٹل کے مقام پر احتجاجاً بند کر کے دھرنا شروع کردیا۔
خیال رہے کہ نوجوان کے والد نے گزشتہ روز ویڈیو پیغام جاری کرتے ہوئے اپیل کی تھی میرے بیٹے کو بازیاب کرایا جائے اور عدم بازیابی پر وہ روڈ کو احتجاجا بلاک کرکے دھرنا دے گا۔
عدم بازیابی پر آج انھوں روڈ بلاک کرکے دھرنا دے رہے ہیں۔
قومی شاہراہ کی بندش سے گاڑیوں کی لمبی قطاریں لگ گئیں۔
مظاہرین کاکہنا ہے کہ نوجوان کے بازیابی تک احتجاج جاری رہے گا۔
