پاکستانی فورسز کے ہاتھوں جبری گمشدگی کے شکار عادل بلوچ کی فیملی نےحکومت کو 48 گھنٹے کی الٹی میٹم دیتے ہوئے کہا کہ اگر اس دوران عادل بازیاب نہیں کئے گئے تو آر سی ڈی شاہراہ پر دھرنا دیکر بلاک کرینگے۔
ان خیالات کا اظہارلواحقین نے حب میں لسبیلہ پریس کلب میں پریس کانفرنس کرتے ہوئے کیا۔
لواحقین کا کہنا تھا کہ اگر 48 گھنٹے کے اندر عادل احمد کو بازیاب نہیں کیا گیا تو مین آر سی ڈی روڈ پر دھرنا دیکر سخت احتجاج کیا جائے گا۔
زہری خضدار کے رہائشی نوجوان عادل احمد بلوچ ولد منیر احمد کے اہل خانہ نے حب میں پریس کانفرنس کرتے ہوئے کہا کہ انہیں 6 فروری 2025 کو حب اٹک پمپ کے قریب سیکیورٹی اداروں نے مبینہ طور پر اٹھاکر لاپتہ کردیا ہے جو تاحال لاپتہ ہے۔
پریس کانفرنس میں عادل احمد بلوچ کی شریک حیات بی بی ریحانہ کے ساتھ ماہ زیب بلوچ اور چیئرمین عمران بلوچ بھی موجود تھے۔
انہوں نے کہا اگر 48 گھنٹے کے اندر عادل احمد کو بازیاب نہیں کیا گیا تو بھوانی میں مین آر سی ڈی روڈ پر دھرنا دیکر سخت احتجاج کریں گے۔
