منی مات ءِ کبرءِ سرءَ سیاست مہ کنئے ۔ نبشتانک روھیل بلوچ,

منا سنگتے ءَ فون کُت تو کاۓ گوں برمش ءِ مھلوک ءِ ھال پُرسی ءَ ؟؟؟
من گُشت ھو ڈئے سبر من 20 منٹ ءَ تئ کرا سر آں
گڈا دکان ءَ بیا۔۔۔۔۔۔۔ گوشی کٹ بُوت
من وتی کُتگ ایں کرار ءَ سنگتءِ دکان سر بوت آں
سلام سیٹ من گُشت
و_سلام تو بَئی وھدے سک پاندۓ وا
من دنتان زاھر کُت آں ءُ گُشت تئ دعا بہ بیت یار ۔۔۔۔
بَلے زوت کن منا برمش ءِ گندگ ۓ سک جلدی اِنت ۔
ھو بس کمے ھسابے نبشتہ کنا رَویں
من رانی جوس ءِ در کُت ءُ تِنگگ ءَ شروع بوت آں
لھزاۓ رند گُشتے بَلے بسمہ اللہ
من کانچ ءِ توک ءَ وتی گیوار شر کُتءُ سیکل ءَ سوار بوتیں راہ گپت آں ۔
من گُشت دکانےءَ بدار چیزے زوریں بدنامی ءَ ھالی دستءَ روگ وش نہ اِنت ۔
گُشتے دیم ءَ زوریں
ساھتُک اے رند دکانے ءِ دپہ داشت ئے ۔
منی داست ئے گپتءُ داشت ؤ چّمن ساری شُتءُ لھتیں ٹیکی ئے زُرت ءُ آتک
گُشت اے ایشاں تو وت بدے اُودا ۔
من ہچ نہ گشت پُشت اے سوار بوت آں ۔
کساس نیم ادار رند مہ نہ دُراہ جاہ ءَ سر بوت ایں
مزنیں ایف سی والا ئے مُچ اَت مارا داشت ایش ما وتی شُومیں شناختی کارڈ  پیش داشت آں۔
جست ءِ کُت  (بلوچستان سے ھو )
مہ دوینءَ ھور گُشت جی جی سر ۔۔۔۔۔!
مارا توک گوزگ ایشت ایش 
منی دپ ءَ در اَتک گلامی ترا لانت اِنت
منی ھمراہ پہ گشادۓ گُشت
تو ڈۓ بلے وتی انکلابی بوھگ ءَ ۔
ما  شُت لپٹ ۓ بُن ءَ کمو ودار کُت
پدا سوار بوت شُت ایں ھما پلاٹ کہ برمش ایڈمٹ اَت
منی ھمراہ ءَ کس آ فون کُت آ اَتک مارا گوں دست ءُ دُروت بوت آ ساری ءُ مہ پشت ءَ آئیءَ گنٹی ءِ جت در ایش پچ کُت
مئے ملکی پوشاکانی توک ءَ 4/5
زالبول نشتگ ءُ اوشتاتگ ءَ ۔
مئے دیم ءِ مردم ءَ منی سنگت گپ ءِ پہ اَلوت جستے کُت ءُ راہ گپت ما دوین آں در ئے دپ ءَ سبر کُت لھزا ئے رند دگہ یکءُ دو زالبول چہ کوٹی در اَتک مارا توک ءَ توار ایش کُت
منی دل ءَ بس ھمے وس وس اَت برمشوک باریں چون بیت ؟
وابیں یا آگھیں بیت ؟
گریوگ اِنت یا وشان اِنت ؟
یک نیم ھُمریں زالے سرون ءِ نشتگ ءَ استونک سرا گوات ءِ کنگ ءَ
ایسی است ءَ چالو اَت ۔۔۔۔۔۔۔
ما سلام دات دگہ دو نیم ھُمرے مردین است ءَ مئے سلام ولیک ایش کُت 
چار کرسی است ءَ دو مردم ساریءَ نشتگءَ منی ھمراہءِ دیم ءِ مردم کرسی سرا نشت منا منی ھمراہءَ باز گُشت بیا کرسی سرا نند من نا کُت
گڈا زالکُو ءَ منا پہ مھرے گشت بیا ابی ایدا تھتءِ سرا نند من چوناہا ھمے گپ ءِ لوٹوک اِتاں کہ من برمشُوک ءَ گیشءَ چہ گیش نزیک ءَ بہ گنداں ۔
من وتی پادانی سرءَ گیش زور دات ءُ سرون ۓ نشت آں ۔ منا زالکُو ءَ وش اَتک کُتءُ من آ دویں مردم یک یک وش اَتک کُت آں ۔ من جست کُت چونے گونڈو اے تبیت ؟
منی ھمرائے سنگت ءَ منا جواب دات اللہءِ  شُکر اِنت وشیں بس ھمے نا سلامتی کنت کمیں باز دگہ رب ءِ رھم اِنت۔
من دست پیشانی سرا ایر کُت ءُ چارت
چمے چست کُت ءُ منا چارت ۓ بلے گوش ئے ھزّ اِتگ ءَ یک تُرسےءِ آماچ اَت ،
من جست کُت مَمُل چون ئے منی گُومہ ھبرے نہ کُت
ھمدئے نِشتگیں یکے پاد اِتک ءُ گُشت ئے برمش کاکا ترا جست ءَ اِنت ۔ گپ بجن نا
لُنٹ کنگ ءَ لگ اِتءُ چم ئے  ارس بوتاں
من پاد آتک آں ھما ٹیکی کہ مارءَ گون اِتاں من دو چاکلیٹ زُرت دگہ یک ءُ دو چیز من گُشت مَمُل چے ورئے ۔ برمش ئے کرۓ زالکُو پسّہ دات بابی اے ہچ نہ وارت
برمش ءَ لُنٹ سورینتاں ءُ منی نیمگءِ چمءِ ارسے لگوشت پہ گردن ءَ شُت  ۔  منی دَستیگاں وارت مَمُل من گُشت ۔
من وتی کیسگ ءَ چہ ٹِشّو ئے کَش اِت ارس پھک کُت آں منی دست ءِ چاکلیٹے زُرت۔ من وتی دل داشت ءُ پُرشتگیں کندگ ئے جَت آئیءَ اوں گوں من بچکند اِت
مَمُل چاکلیٹ ءَ بور گُشت ئے ھئو
گوش ئے کمیں ھاترے وش  بوت
منی سنگتءَ را ھما کرئے نندوُک ءَ جست کُت تئ ھمراہ کج ئے مردمے ؟ آئی منی نیمگءَ چار اِت ءُ گُشت واجہ وتی تَعریف ءَ وت بکن
واجہ من پنجگورئے مردمے آں
سُھبی سر بوتگ ایدا ۔ منا سنگت ءَ سلاہ جت من ھمراہ بوتاں
چوناہا ما کلاس فیلو بوتگیں ایدا کایاں گڈا منی ھمراہ ھمے واجہ اِنت
شُما واجہ ھال کنئے اے مسلہ چِتور بوتگ من جست گپت 
ایشی گُشت من ھمدا بوتگ اَنت
برمش ۓ مات منی ناکو زتک اِنت
آ واجہ ھمودا بوتگ چہ من گیشتر سرپد اِنت ما کُلاں دیم گوں ھما دویں مردم ءَ کُت
گُش ئے ما واجہ وتی لوگءَ واب اِتاں   شپ بے وھد اَت منا ھمے شُم روچیں تیرانی توار ءَ منا منی چُکانی مات ءَ پاد کُت من چہ بشانہءَ در اَتکاں جامگ وتی گْورءَ کُت منی پُشتءَ لوگءِ دُرا پاد شپاد ءَ گون اِتاں من ھکَل کُت آں  شُما کجا گون ئے ؟
گڈا چُکاں  پاد داشت اَنت ۔
من گنداں۔۔۔۔۔۔۔ لوگءِ گْورءَ مزنیں کُوکار ءُ جاکے من گام تیزتر کُت آں ۔۔۔۔۔۔۔ ءِ در ئے دپءَ کہ سر بوتاں تاکہ ایدا چُکانی گریوگ ءُ سلواتءَ بلے پَسیل ئے دومی نیمگءَ سیکَلانی توار اَت مردم گُش ۓ یکے دومیءَ گوں بند مِڑتگ اِتاں من گڈا پہ تچّگ شتاں تاکہ بازارءِ مردماں یک نپرے گون اَت ھر کسے پہ دیم جنئگ ءُ چوپگ ءَ اَت من اَتک ءُ جست کُت چے بوتگ ؟ گشت ئے دُزہاں  ۔۔۔۔۔۔ ءِ لوگءَ دُور کُتگ  چُکانی ماتءُ جنکو جتگ  ۔ منی وا پادانی چیرا زمین در اَتک شپ چوناہا تھار اَت گیش تھار بوت
من گُشت ھئو واجو کسانے مسلہ ئے نہ بوتگ
ھئو واجہ۔۔۔۔۔۔ منا گوں بے توکلیں توارےءَ پسّہ ئے دات ۔
مرد اِش گپت گاڈیءَ کُت بُرت پولیس ءَ دات باریں چون ایش کت ،
ما رُمب بوتیںءُ لوگءَ شتیں ھئو با ۔۔۔۔۔ پلانی شہید بوتگ تیراں لاپءَ گپتگ اَت ۔
پدا ما ھمے شپءِ شپ برمش زُرت ءُ ایدا اَتکاں ۔
زالکُو ءَ دراجین اُف ئے کش اِت ءُ گُشت ما گریب ءُ نا دست رساں ھدائے است مئے جست ءِ کنوک ھدا اِنت ۔ کہ اللہ ایشان زندگیں سیرءِ لاپ مہ کنت کہ ایشان مارءَ وپتگیں واب چو آسے ماں دلءَ دات ۔ جت ئے ھوڈسکگے ما دُراسانی چم پُرے ارس بوت اَنت ۔
ھما مرد کہ کسّہ کنگ اَت گُش ئے ماسی کمو دیم ءَ کِنز برمش ءِ تھت ءِ سرا چِست کن آں سُھبیگین اِت وپتگ دمے بُرتگ
مردءَ گپت تھت چو کرسی ءَ کُت پشت ئے ماں دات پہ روگ ءَ ؤ گُشت ئے اگاں برمش گپ کنت آ دگہ گپاں گوں تو وت بجن اَنت ۔
من ءُ برمش دیم پہ دیم اِتاں
وتی چاکلیٹ ئے وارتگ اَت من دپ ساپ کُت ۔
زالکُو گشت بلّے بابی من وت ساپے کنا
من گُشت ماسی اے نوں ایوک ءَ تئ جنک نہ اِنت اے قوم ءِ جنک اِنت منا ھم ھکے بدے ۔
اللہ شمارءَ سلامت بکنت بابی منا کہ مردم ءُ کسے بوتین مارا کسءَ چو شپانی پاساں ءَ تیرءُ باران نہ کُت ،
منی ھمراہءِ سنگت ءَ گُشت ماسی ترا چون اِنت تو پرچہ چوشیں گپ کنئے مارا ھُداءَ مردم داتگ تو گندئے اے چاریں پنچیں روچءَ چنکس مردم آتکگ کہ ما پجا ھم نیارتگ اَنت ما پریشان نیاں مارءَ وتی گُھارءِ سرا فخر اِنت دژمن ءِ دستءَ شھید بوتگ
من گُشت دژمن چَہ گلّہ نہ بیت اَمّا ۔
من پدا دیم گوں برمش ءَ کُتءُ جست گپت مَمُل تو اے وھدا کجا اِت ئے تیراں توار کُت
منی اَمّا گوں تُپنگی مردک ءَ گِرءُ چیل اَت
گُشت ئے منی لوگ ءِ پَٹگ پرتو ھرام اِنت تو چے گُشتگ ادا چار گونڈو اَنت من کیاں اِدا دولتے روپان ءُ براں ؟ مارءَ چے تئ پُرس است اَنت
تو اے شپءِ نیمءَ مئے سرا دور کُتگ  ترا زانہ ماتءُ گُھار نیست ؟
بے ھیائیں بیگیرت۔
دگہ یکےءَ منی ماس ھکَل کُت یلا کن ترا گُشاں ھنچیں برسٹ ئے ترا بجن ءَ
منی ماسءَ گُشت بجن باریں تو کجا روۓ ؟  یکے منی لوگءَ دور کُتگ پدا من برسٹ جن ئے نَرّ ایوک ءَ تو بوتگ اے ؟
ھمیشیءِ کہ منی ماتءَ بَج گپتگ ءَ ایشیءَ منی ماسءَ را جَت لگتے منی ماس کپت من دلترک بوتاں من اَمّیءِ (بلوک )دست ژپت شُتاں پہ مات ءَ
ھمائیءِ کہ بج ماتءَ گپتگءَ آ لوگءَ شُت کباٹ پہ تُپنگی بَٹ جت ءُ پروشت    دمکی والا مردکے توار کُت آ پہ لوگءَ راہدگ بوت  ماس پاد اَتک چہ پُشت گپت ءُ گُشت ئے ھرام زادگ مرو منی لوگ ءَ ۔
مات سردر اَت من مات ءِ دمبُل داشتگ ءَ اے مردکءَ دیم تَرینتءُ تُپنگ ئے تیر کُت گوشتے نیائے منی کرا مات پہ تُپنگ ءَ دور کُت من ھمدا تیرانی توار اِشکُت من ءُ مات ھورءَ کپتاں منی ماتءَ پدا ہچ گپ نہ کُت ۔ من ھر چون گیرت منا تسلاہے نہ دات ؤ نیکہ گُشت ئے مگرے ترا پشی وارت بس چمے پچ اِتاں دویں  دستے اے نیمگ ءُ آ نیمگ ءَ کپتگ اِتاں مرداک آں چہ پسیل ءَ دور کُت شُتاں پدا منا ھوش نبی ۔
زالکو ءَ گُشت چُشیں گپ  مہ جن ما گریبیں مردم ئے مارا پدا جننت ءُ کُش اَنت کہ شما مئے نام گپتگ ۔
مجن گپ شنکو ۔ منی سنگتءِ ھمراہ ءَ زالکُو زُرتءُ شُت ڈنّہ ۔
من چہ سرونءِ چَکر اِتاں آتکءُ برمش ءِ راستیں نیمگ ءَ نشتان ءُ دست وتی دستءَ کُت ءُ چُک اِت مَمُل ہچ مہ تُرس ما دُراہ تئ ناکو ئیں آ دُز سے بوتگ اَنت مارا بچار ما پنچ ئے ۔ منا روک روک چار اِت ئے ءُ وت وتی ارس پھک کُتاں
آپ وراں وتی مردمانی نیمگ ءَ چار اِت ءُ گُشت ئے ۔ آپ ایش آرت من آپ چہ مردءِ دستءَ زُرتاں وت پہ چمچہءِ سرا آپ دات وارتے  من دلجم اِتاں اے چُک نوں جواب دنت اگاں من جستے بکن ءَ۔
(اے تھاری کدی زندءَ در گور بیت ۔ شپ کدی روچ بیت  )
مَمُل اگاں تو پدرد نہ بئے من ترا چیزے جست کنا ؟
من چد ءُ گیش پدرد نہ بنت ناکو ۔
منی گْورا نوں دردنانی شپ روچ اِنت
ھدا ترا ھنچُش مُھکم بہ کنت راج ءِ جنک منی ھمراہ ءَ گُشت
تو گوں اے جاوراں چے مارءِ اگاں تئ دل بلوٹیت تو چے کنئے ؟
ناکو اگاں راستیں گپے لوٹ ئے من بس شعرانی توکءَ اِشکُتگ سرمچار وتن جنگ فوج بلوچستان گلامی
تربتءِ  اے اولی گونڈو من  بنت کہ سک ءَ کسانیں ھمرے ءَ گلامی ءِ دنز منی سرا ریتکگ اَنت ۔
بلکیں اے دست کے منی گٹ ءَ اِنت گلامی ءِ اولی ٹیکی انت کے منا دیگ بوتگ ۔ منی مات ءِ کبر پہ منی کہول ءَ نا بلکیں پہ ھر ھما بلوچءَ یک پنتءُ سکین اِت کہ آئی انگت نَمار اِتگ کہ ما گلام اِنت ۔  منی مات ءِ ھما ھُون کہ مئے  لوگ ءِ دیم ءَ رتکگ اَنت ھما روچے سَد برا کوکار کننتءُ گُش اَنت پادا اِت بس اِنت  بے سمائی بس اِنت نوں بے ھیائی ۔
اے تیرے نہ یت منءَ لَگ اِتگ من گُشاں اے یک سبقے پہ منی کہول ءَ پہ منی بازار ءَ پہ منی کیچ ءَ پہ منی مکران ءَ پہ منی بلوچستان ءَ پہ منی سرجمیں راج ءَ۔
اگاں جہد ءُ جنگ ھر کسءَ وتی ڈُبہ مہ لیک اِت گُڈا اِدا برمش ءُ ملک ناز باز بنت بگندے آ اے رنگءَ مہ بنت کہ منی ماتءِ نام داریں شہیدی بوتگ ۔
بلے اگاں ھر کس منا منی کُت ءُ یلا دات گڈا اے سمیرُک ئے وڈیں چم جھل دیر نہ کننت کہ دگہ یک برمشے ءُ آئی ماتءِ عزتءِ سرا ھم ارش بہ کننت۔
گڈا آ وھدا سک دیر بیت
منی اگاں لوٹ ئے ھست من نہ گُش اَنت من وتی ءُ مات ءِ کاتل ءَ پانسی مدی اَنت
بلے من گُشاں من وتی کومءَ گوں علم ءَ سلاہ بند بہ کننت پرچہ کہ اے دُرا بے علمیءِ سَٹ اِنت کہ آپسر والائے پاد کیت ڈنُکّ والا وابیں جنین ئے جَنتءُ چہ پسیل ءَ سِٹ کنت  دلجم اِنت کہ منا کس کار ندار اِیت ۔
ھسکگے دل ءَ ایر شُت ءُ گُشت ئے
امّا من بے تو سک ایوک اَنت منا دگہ ہچءِ کمی نیست بس تو ادا نہ اِت
منا نوں کئے منھاج ءِ سوتانی سرا ویڈیو کنت ءُ اسٹیٹس ایر کنت ؤ بوگُشیت باریں منی برمشوک ءِ کئے توسیپ ءَ کنت
امّا منی ائیدءِ دستانی ھِنّی انگت سُہر اِنت
ناھُنی رنگ انگت براؤن براؤن اَنت ()
امّا من A. B. C ءَ کئی کرا بوان اَنت
مَمُل پلیز بس کن بلوچءِ ھمُک مات تئ مات اِنت منی مات تئ مات اِنت من پیشانی دپءَ کُت پلیز برمشول بس کن بس کن پلیز
ما کُل گریوگءَ شروع بوتاں
کِساس 8/10 منٹءَ باد من پدا گُشت مَمُل تو وتی گپ کپی کُت ۔
ھئو ناکو ۔۔۔۔۔۔۔۔۔ من ھمے گُشاں
اے دُرا نازانتی اِنت بے سمائی اِنت نا پُکتئ اِنت من اگاں بلوٹاں سمیرءَ پانسی بہ یبت دگہ ھزار سمیرُک منی تربت ءِ توکءَ است آیاں کہ داریت آیاں کہ سرپد کنت من گُشاں سرپدی سِنچ زانت ءُ زانگ وت اے گونگیں مردمانی اِشتمائی پانسی اِنت ۔
برمش ءِ ارساں اوشتگ نزانت ۔
باریں آ کجام درد اَت کہ آئیءَ را چہ ماتءِ جتائیءَ گیش تورگ اَت
مَمُل بس یک گڈی گپے بگُش بلوچ راجءَ چے کلوہ دیئگ لوٹ اِت
ناکو منا کلوہ نیست۔۔۔۔۔۔۔
اے تیرءِ ٹَپءَ منا ہنچو نہ تور اِتگ کہ ہنچو  اے گپءَ درد بیت
منی ماتءِ کبرءِ سرءَ بوگُش سیاست مہ کنئؒے
من شمارا شر دستگ شر زانہ بلوچستانءِ توک زانہ من ایوک ءَ تیر وارگ یا منی مات بس شہید بوتگ
شما کجا واب بوتگ ئے بے ھیایاں ؟
مرچی ھر کس برمش کنتءُ گُٹ ءَ کارچءَ دنت من زانہ ادا ھر کس وتی راہءَ گوں راہے ءَ ھوار کنگ لوٹیت من وتی دوست رنگیں دژمن ءَ زانہ
نہ لوٹیت مئے سرءَ سیاست بس اِنت
من ہنچو ناسرپد نیا کہ ترا مہ زان اَنت زی تو گوں کرنل ءُ میجراں گون اِت ئے وت ھمے سمیرُک ءُ پلانی رودینت اَنت مرچی پدا منی مہلوکءِ دیمءَ گش ئے
Justiceforbramsh ???
Sham on you    
او نیکہ ما تئ داتگیں شہیدیءَ لوٹ ایں
منی جسٹس بلوچستان ءِ آزادی اِنت۔
مرچیگیں تربتءِ روانکءَ منی اُمیتءَ چہ گیش مردم آتکگ اَنت  بلوچ ءَ اے سابت کُتگ کہ ما ہِنچو نا تپاک نہ اِنت کہ تو مارا کنگ اے جھد کُتگ ۔
مئے درستانی دپ پچ ات
ماشااللہ اے تِپل ہِنچو چہ کجا زانت ؟
دروازگ ءَ ٹک ٹکے کُت ما دُراہ پچ درھ اِت ئے
۔ سر پلیز باہر چلے جائین ڈاکٹر صاحب آرہے ہیں پیشنٹ کو دیکھنے ۔
نرسے اَت
ما در آتکیں مردم اجازت کُُت آں زالُکو مارا دست پشت ءَ جت دعاءُ ھیرے کُت
برۓ اللہ شمارا گوں منی ءَ ھور چہ زالم ءَ برکین ایت ۔