پاکستان کے محکمہ ریلوے کے حکام نے قومی اسمبلی کی سب کمیٹی میں انکشاف کیا ہے کہ سیکیورٹی خدشات کے پیش نظر بلوچستان کے مختلف علاقوں میں رات کے وقت ٹرین آپریشن ممکن نہیں ہے۔
حکام کے مطابق بلوچستان کے لیے ریلوے نظام کو بہتر بنانے کے لیے بھاری سرمایہ کاری کی ضرورت ہے۔
ریلوے حکام نے بتایا کہ کوئٹہ ٹریک کی بہتری کے لیے غیر ملکی سرمایہ کاری درکار ہے۔
اس حوالے سے روس کے ساتھ بات چیت جاری ہے۔
روس نے کوئٹہ سے ماسکو تک ٹرین چلانے کا منصوبہ پیش کیا ہے، جس پر دونوں ممالک کے درمیان گفتگو جاری ہے۔
مزید یہ بھی بتایا گیا کہ بلوچستان میں ریلوے نظام کو جدید بنانے اور فعال کرنے کے لیے بین الاقوامی تعاون کی ضرورت ہے۔
حکام نے سیکیورٹی اور مالی چیلنجز کو موجودہ صورتحال میں سب سے بڑی رکاوٹ قرار دیا۔
