نیب بلوچستان نے سابق کٹھ پتلی وزیراعلیٰ بلوچستان اور مسلم لیگ نون کے رکن اسمبلی ثناء اللہ زہری اور کٹھ پتلی اسپیکر بلوچستان اسمبلی قدوس بزنجو کو طلب کرلیا ہے۔
ترجمان نیب کیمطابق ثناء اللہ زہری اورکٹھ پتلی اسپیکر بلوچستان اسمبلی قدوس بزنجو کو مبینہ کرپشن کیس کی تحقیقات کے سلسلے میں 23 جون کو نیب آفس میں طلب کرلیا۔
قومی احتساب بیورو نے دونوں کو ذاتی حیثیت میں بیان ریکارڈ کروانے کے لئے طلب کیا ہے۔ نواب ثناء اللہ زہری اورعبدالقدوس بزنجو سے 2017-18 میں ایک انویسمنٹ کمپنی کو سرمایہ کاری کے لئے دی جانے والی رقم کے بارے میں تحقیقات کی جائیں گی۔
کٹھ پتلی حکومت بلوچستان نے اپنی رقم نکلوانے کیلئے کمپنی کو خطوط لکھے لیکن تاحال رقم کی واپسی ممکن نہیں ہوسکی ہے۔
دونوں سابق وزرائے اعلیٰ سے اس کمپنی کو لکھے گئے خطوط اور ان کے ادوار میں کئے جانے والے رابطوں کے حوالے سے تحقیقات کی جائیں گی۔
