بلوچستان کے ضلع کیچ کے تحصیل زامران سے پاکستانی فورسز نے علاقے میں گھروں پر چھاپوں کے دوران پُٹانی زامران سے 2 نوجوانوں کو جبری لاپتہ کردیا ہے ۔
علاقے مکینوں کے مطابق اُزیر اُمید اور عبدالرحمن قدیر کو امید کے گھر سے فورسز اپنے ساتھ لے گئے۔
اس دوران فورسز اہلکاروں نے انکے لواحقین کو بتایا کہ انہیں جلد گھروں کو روانہ کیا جائے گا ۔
واضح رہے کہ دو مہینے قبل اُمید کے دو بیٹے نذیر اُمید اور انیف اُمید کو فورسز نے گلی بلیدہ سے جبری گمشدہ کرکے شدید تشدد کے سولہ روز بعد انہیں رہا کیا تھا۔
لواحقین نے کہاکہ ہم فورسز سے اپیل کرتے ہیں کہ ہمارے بچوں بازیاب کریں اور بار بار ہمارے بچوں کو بغیر کوئی وجہ سے لاپتہ نہ کریں اور ہمیں احتجاج کرنے پر مجبور نہ کریں۔
