پاکستان کوسٹ گارڈ کی زیادتیوں اور گاڑیوں کی پکڑ دھکڑ کے خلاف متاثرین نے بلوچستان کے ساحلی ضلع گوادر کے علاقے گبد بارڈر کلدان کراس پر مکران کوسٹل ہائی وے کو احتجاجاً بند کر دیا ہے۔
گزشتہ روز پاکستان کوسٹ گارڈ کی طرف سے گاڑیوں کی پکڑ دھکڑ کے خلاف گزشتہ چار دنوں سے روڈ بند ہے اور دھرناجاری ہے جس سے مکران کوسٹل ہائی وے پر ٹریفک کی روانی متاثر ہے۔
متاثرین نے کلدان کراس پر احتجاجاً مکران کوسٹل ہائی وے کو بلاک کر دیاہے۔
مکران کوسٹل ہائی کی بندش سے بلوچستان ایران بارڈر ٹریڈ کے اربوں روپے کا کاروبار چار روز سے متاثر ہے جس سے ایف بی آر کو ٹیکسز کی مد سے کروڑوں روپے نقصان کا سامنا ہے جبکہ دوسری طرف سینکڑوں راہداری ہولڈرز مقامی لوگوں کا ایران سے آنا جانا معطل ہے ۔
واضح رہے کہ مکران کوسٹل ہائی وے کو بند ہوئے سو گھنٹے سے زائد کا وقت گزر چکا ہے جبکہ حکومتی ادارے یہ تاثر دینے کی کوشش کر رہے ہیں کہ ہر چیز معمول کے مطابق چل رہی ہے ۔
