بلوچستان کے علاقے پشین میں پاکستانی فورسز کی ایک مبینہ کارروائی میں 3 افراد ہلاک ہوگئے۔
سیکورٹی حکام نے دعویٰ کیا کہ ضلع پشین کے علاقے میں فورسز اور عسکری پسندوں کے درمیان فائرنگ کے تبادلے میں مبینہ خودکش حملہ آورنے خود کو کو دھماکے سے اڑادیا جس سے 3 افراد ہلاک جبکہ 2 فرار ہوگئے ۔
سیکورٹی فورسز حکام کے دعوے کے مطابق منگل کو سیکورٹی فورسز کو ضلع پشین کی تحصیل برشور میں بلوچستان افغان سرحدی علاقے سبورہ کے مقام پر ایک مشکوک گاڑی میں سوار 5 مبینہ افراد کے داخلے کی اطلاع ملی جس پر سیکورٹی فورسز نے علاقے کو گھیرے میں لیکر سرچ آپریشن کاآغاز کیا تو مبینہ افراد نے فورسز اور مقامی آبادی پر فائرنگ شروع کردی ۔
دعوے میں کہا گیا کہ اس دوران ایک مبینہ خودکش بمبار نے خود کو دھماکے سے اڑا دیا جس کے نتیجے میں و ہ اور اسکا ایک ساتھی موقع پر ہلاک ہوگئے جبکہ ایک اور حملہ آور کو فورسز اور مقامی افراد نے فائرنگ کرکے تبادلے میں ہلاک کردیا ۔
دعوے میں مزید کہا گیا کہ عسکریت پسندوںکے 2 ساتھی موقع سے فرار ہوگئے جن کی تلاش کے لئے سیکورٹی فورسز کی اضافی نفری طلب کر کے سرچ آپریشن شروع کردیا گیا ۔
