پاکستان کے لاہور ہائیکورٹ نے گذشتہ روز پنجاب یونیورسٹی کو حکم دیا ہے کہ وہ سعدیہ بلوچ کو امتحان میں شامل رکھے۔
واضع رہے کہ پنجاب یونیورسٹی نے گذشتہ دنوں سعدیہ بلوچ کو سیاسی سرگرمیوں کی پاداش میں یونیورسٹی سے بے دخلی کا نوٹیفکیشن جاری کیا تھا۔جس کے خلاف سعدیہ بلوچ نے قانونی راستہ اپنانے کا اعلان کیا تھا۔
لاہور ہائیکورٹ کیس کی سماعت کا احوال سعدیہ بلوچ نے سوشل میڈیا پلیٹ فام ایکس پر اپنے ایک پوسٹ میں بیان کرتے ہوئے کہاکہ آج لاہور ہائیکورٹ میں سعدیہ بلوچ کی پنجاب یونیورسٹی سے بے دخلی سے متعلق درخواست کی سماعت ہوئی۔۔
پوسٹ میں کہا گیا کہ لاہور ہائیکورٹ نے پنجاب یونیورسٹی کے انتظامیہ کو سعدیہ بلوچ کی رو ل نمبر سلپ جاری کرنے اور آئندہ ہفتے شروع ہونے والے سالانہ امتحانات میں شامل رکھنے کا حکم جاری کیا۔۔
ان کا کہنا تھا کہ مزید پٹیشن سے متعلق قانونی کارروائی سننے کیلئے یونیورسٹی انتظامیہ سے ایک ہفتے کے اندر جواب طلب کرنے کا حکم بھی جاری کیا۔۔
