بلوچ یکجہتی کمیٹی کے سربراہ و انسانی حقوق کے سرگرم کارکن ڈاکٹر ماہ رنگ بلوچ نے پنجاب یونیورسٹی انتظامیہ کی جانب سے سعدیہ بلوچ کی معطلی کے حوالے سے سوشل میڈیا پلیٹ فارم ایکس پر سعدیہ بلوچ کی ایک پوسٹ ری پوسٹ کرتے ہوئے کہا ہے کہ سعدیہ بلوچ کی سیاسی سرگرمیوں کی وجہ سے معطلی ان کے حقوق کی صریح خلاف ورزی ہے۔
سعدیہ بلوچ نے اپنے پوسٹ میں لکھا تھا کہ میں یہ واضح کرتا ہوں کہ یونیورسٹی نے کل سب کی رول نمبرز سلپس جاری کی ہیں لیکن مجھے جاری نہیں کیا گیا اورمجھے امتحانات میں بیٹھنے کی اجازت نہیں ہے۔
ڈاکٹر ماہ رنگ بلوچ نے کہا کہ غیر منصفانہ اقدامات کے ذریعے طلبہ کی آوازوں کو خاموش کرنا ناقابل قبول ہے۔ پنجاب یونیورسٹی انتظامیہ فوری طور پر اس کی رول نمبر سلپ جاری کرے اور بلوچ طلباء کو نشانہ بنانا بند کرے۔
سعدیہ بلوچ نے اپنے پوسٹ میں مزید لکھاکہ مجھے کچھ "غیر منصفانہ شرائط” پر امتحان دینے کی اجازت دی گئی ہے لیکن میں ان پر عمل درآمد نہیں کرسکتا۔
انہوں نے مزید لکھاکہ یونیورسٹی انتظامیہ کا بدنیتی پر مبنی رویہ قابل اعتبار نہیں۔ یہ سیاہ ہتھکنڈے میرے بنیادی اور آئینی حقوق پر براہ راست حملہ اور دوسرے طلباء کے حقوق کے لیے خطرہ ہیں۔
سعدیہ بلوچ نے کہا کہ آخری ٹھکانے کے طور پر، میں نے پنجاب یونیورسٹی انتظامیہ کے غیر آئینی رویے اور غیر قانونی اختیارات کے خلاف لاہور ہائی کورٹ میں درخواست دائر کی ہے۔
انہوں نے مزید کہا کہ میں بلیک میلنگ اور مشروط استثنیٰ سے بچنے کے لیے قانونی طور پر اپنا مقدمہ لڑوں گی۔
