بلوچستان کے ساحلی شہر پسنی سے ایک نوجوان جبری طور پر لاپتہ ہوگیا ہے۔
لاپتہ کئے گئے نوجوان کی شناخت صداقت ولد اللہ داد کے نام سے ہوگئی ہے ۔
واقعہ کی تفصیلات پسنی سول سوسائٹی نے سوشل میڈیا پر جاری کرتے ہوئے کہا ہے کہ گزشتہ شب نامعلوم افراد نے پسنی کے رہائشی صداقت ولد اللہ داد کو جبری طور پر گمشدہ کیا ہے ۔
واضع رہے کہ بلوچستان بھر میں لوگوں کی جبری گمشدگیوں میں پاکستانی سیکورٹی فورسز اور ان کے تشکیل کردہ مقامی ملیشیا جنہیں ڈیتھ اسکواڈ کے نام سے جانا جاتا ہے ملوث ہیں۔
پسنی سول سوسائٹی نے صداقت کی جبری گمشدگی کی مذمت کرتے ہوئے اس کی جلد بازیابی کا مطالبہ کیا۔
