بلوچ یکجہتی کمیٹی کی بلوچ راجی مچی کاروان بلوچستان یاترا پر ہے ۔گذشتہ روزکاروان کا نوشکی ، قلات ، منگچرو سوراب میںکا پرتپاک استقبال کیا گیا اور جلسے کئے گئے۔
آج بروزسوموار 12 اگست کو کوئٹہ میں پہنچ کر شاہوانی اسٹیڈیم، سریاب میں شام 5 بجے جلسہ عام کا انعقاد کیا جائے گا جس میں بی وائے سی کے رہنماء خطاب کریں گے۔
بی وائی سی نے کے عوام سے اپیل کی ہے کہ انہوںنے بلوچ راجی مچی کے دوران جس حوصلے اور ہمت کا اظہار کیا اس جلسے میں بھر پور شرکت کرکے ریاستی جبر و بربریت کیخلاف اپنا فیصلہ سنائیں۔
پورے بلوچستان یاترا میں راجی مچی کاروان کی عظیم الشان استقبال کو عوامی ریفرنڈم کے طور پر دیکھا گیا۔تاریخ میں پہلی بار ہزاروں کی تعداد میں لوگ جن میں مرد خواتین ، بچے بوڑھے جوان بنا کسی ذات و پات اور سیاسی ومذہبی رشتوں سے بالاتر ہوکر راجی مچی کاروان کو اپنی حمایت و وابستگی دکھانے کیلئے پہنچے تھے ۔
تمام علاقوں میں کاروان پر پھولوں کی پتیاں نچھاور کی گئیں اور بلوچی راجی سوگندی دیوان بھی منعقد کئے گئے۔
ڈاکٹر ماہ رنگ کی قیادت میں بلوچ راجی مچی کاروان کا نوشکی پہنچنے پر بھرپور استقبال کیا گیا۔
~
بلوچ راجی مچی کا کاروان سوراب، قلات اور منگچر میں شہدائے راجی مچی کی یاد میں دیوان کرنے کے بعد نوشکی پہنچا۔
اہلیان نوشکی نے ہزاروں کی تعداد میں کیشنگی کے مقام پر کاروان کاتاریخی استقبال کیا۔
پٹی کیشنگی کے مقام پر استقبال کے لیے نوجوانوں کی بڑی تعداد موجود تھی اس موقع پر نوجوانوں میں جوش وخروش پایا گیا۔
آج صبح نو بجے کلی مینگل فٹبال اسٹیڈیم میں جلسے کے بعدکاروان کوئٹہ کیلئے روانہ ہوگا۔
نوشکی میں ڈاکٹرماہ ماہ رنگ ودیگر قیادت کو دیکھنے کیلئے لوگوں کی بڑی تعداد اسٹیڈیم میں موجود اور آمد سلسلہ جاری ہے۔
کہا جارہا ہے کہ یہ نوشکی کی تاریخ کا سب سے بڑا جلسہ ہوگا جس میں زیادہ تر خواتین شرکت کریں گی۔
دوسرے علاقوں کی طرح سوراب ، قلات و منگچر میں بلوچ راجی مچی کے کاروان کا پرتپاک استقبال کیا گیا۔
بلوچ راجی مچی کا کاروان سوراب اور قلات میں شہدائے راجی مچی کی یاد میں دیوان کرنے کے بعد منگچر پہنچا۔
منگچر میں ہزاروں افراد نے قافلے کا استقبال کیا اور بلوچ راجی شہداء کو خراج عقیدت پیش کیا اور ڈاکٹر ماہ رنگ بلوچ ودیگر قائدین نے استقبال کرنے والے سینکڑوں افراد سے خطاب کیا۔
