بلوچ یکجہتی کمیٹی نے گوادر سے کوئٹہ پہنچنے کیلئے اپنی تنظیمی ایونٹ شیڈول جاری کردیا ہے۔جس میں شہدائے راجی مچی کو خراج عقیدت پیش کرنے کیلئے پروگرامات ترتیب دیئے گئے ہیں۔
بی وائی سی نے سوشل میڈیا پلیٹ فارم ایکس پر اپنے آفیشل اکائونٹ سے ایک پوسٹ جاری کیا ہے جس میں کہا گیا کہ بلوچ راجی مچی کا کاروان گوادر سے مختلف علاقوں سے ہوتا ہوا کوئٹہ پہنچے گا۔ کاروان مختلف علاقوں میں قیام کرے گا اور وہاں شہدائے راجی مچی کے لیے دیوان منعقد کرے گا۔
پوسٹ میں کہا گیا ہے کہ آج شام چار بجے تربت میں بلوچ راجی مچی کے شہداء کے لیے شہید فدا چوک میں دیوان کا انعقاد کیا جائے گا۔جبکہ 10 اگست کو کاروان صبح سویرے تربت سےگریشہ کے لیے روانہ ہوگا۔اور گریشہ میں شام کو شہدائے راجی مچی کی یاد میں دیوان ہوگا۔
بیان میں کہا گیا کہ10 اگست کی رات کو کاروان گریشہ سے سوراب سےجائے گا۔ اورسوراب میں شہدائے بلوچ راجی مچی کی یاد میں دیوان منعقد کیا جائے گا۔
اسی طرح11 اگست کو کاروان سوراب سے نوشکی کے لیے روانہ ہوگا۔ اورنوشکی میں شہدائے بلوچ راجی مچی کے لیے دیوان منعقد کیا جائے گا۔
بی وائی سی کا کہنا تھا کہ12 اگست کو بلوچ راجی مچی کا کاروان نوشکی سے شال کے لیے روانہ ہوگا۔ اورشال میں شہدائے راجی مچی کے لیے دیوان ہوگا۔
