پاکستان کے صوبہ سندھ کے دارلحکومت کراچی میں ڈیفنس کے علاقے خیابان نشاط میں دو گروہوں کے درمیان فائرنگ کے تصادم کے باعث نواب اکبر خان بگٹی کے بھتیجے اور سابق رکن بلوچستان اسمبلی مرحوم احمد نواز بگٹی کے صاحبزادے فہد بگٹی سمیت 5 افراد ہلاک ہوگئے۔
ڈی آئی جی ساؤتھ اسد رضا کے مطابق کراچی کے علاقے ڈیفنس خیابان نشاط پر 2 گروپوں میں تصادم میں فائرنگ کے نتیجے میں فہد بگٹی، نصیب اللہ سمیت 5 افراد ہلاک ہوئے۔
فائرنگ کے تبادلے میں 5 سے 6 افراد زخمی ہونے کی اطلاع ہے۔
لاشوں اور زخمیوں کو جناح اسپتال لے جایا گیا۔
ڈی آئی جی ساؤتھ کے مطابق تمام زخمیوں کی حالت تشویشناک ہے۔
پولیس نے دعویٰ کیا ہے کہ دونوں گروہوں کے درمیان تصادم دیرینہ تنازع کے باعث پیش آیا۔
واقعے سے متعلق وزیر داخلہ سندھ نے اے آئی جی کراچی سے رپورٹ طلب کرلی۔
ہلاک ہونے والے 5 افراد کی شناخت 50 سالہ فہد بگٹی ولد احمد نواز، نصیب اللہ ولد سور بگٹی، شے میر محسم بگٹی، میر عیسیٰ بگٹی، علی شامل ہیں۔
شدید زخموں ہونے والوں میں میر علی، حیدر بگٹی، قائم علی شامل ہیں جن کی حالت تشویشناک بتائی جارہی ہے۔
