سندھودیش روولیوشنری آرمی (ایس آر اے)کے ترجمان سوڈھو سندھی نے میڈیا کو جاری کردہ اپنے ایک پریس ریلیز میں پنجاب جانیوالی ریلوے ٹریک پردھماکے کی ذمہ داری قبول کرلی ہے۔
ترجمان کا کہنا تھا کہ سندھودیش روولیوشنری آرمی فیض آباد (خیرپورمیرس) کے قریب پنجاب جانے والے ریلوے ٹریک پر کیئے گئے بم دھماکے کی ذمہ داری قبول کرتی ہے۔
ان کا کہنا تھا کہ دھماکے کے نتیجے میں پانچ فٹ ریلوے ٹریک تباہ ہوگیا ہے اور پنجاب جانے والی تمام ٹرینوں کی آمد ورفت بند ہوگئی ہے۔
بیان میں کہا گیا کہ پاکستانی ریاست پنجابی فوج اور اپنی نو آبادکاری کے ذریعے سندھ کی زمینوں پر قبضہ کر رہی ہے اور سندھیوں کو اپنی ہی سرزمین پر اقلیت میں تبدیل کر رہی ہے۔
ان کا کہنا تھا کہ سندھ کے وسائل ،دریاہ ، ساحل و سمندر اور تمام معدنی پیداوار پر بندوق کے زور پر قبضہ کرکے لوٹ مار کی جا رہی ہے۔ایس آر اے پنجابی فوج سمیت تمام غیر آبادکاروں کو خبردار کرتی ہے کہ وہ سندھ سے نکل جائیں۔
انہوںنے کہا کہ ایس آر اے سندھ کی مکمل آزادی تک اپنی مزاحمتی جدوجہد جاری رکھنے کا عزم دہراتی ہے۔
