بلوچستان لبریشن فرنٹ کے ترجمان میجر گہرام بلوچ نے ضلع واشک میں فوجی کیمپ پر حملے کی ذمہ داری قبول کر لی ہے۔
بی ایل ایف کے ترجمان میجر گہرام بلوچ نے میڈیا میں جاری بیان میں کہا ہے کہ کل رات سرمچاروں نے ضلع واشک کے علاقے راغے بلوچ آباد میں آرمی کیمپ پر خود کار اور بھاری ہتھیاروں سے حملہ کیا۔ حملے میں قابض فوج کو بھاری جانی و مالی نقصان اْٹھانا پڑا ہے۔
حملے کے بعد دشمن فوج نے مارٹر گولے برسائے لیکن سرمچار حملے کے بعد محفوظ طریقے سے نکلنے میں کامیاب ہوگئے تھے اور عام آبادی پر بھی نقصان کی اطلاع نہیں۔ میجر گہرام بلوچ نے کہا کہ یہ حملے بلوچستان کی آزادی تک جاری رہیں گے۔
