پاکستانی خفیہ ادارے لاپتہ بلوچوں کی بازیابی کے لیے تاوان مانگ رہے ہیں۔ ڈاکٹر اللہ نذر بلوچ

بلوچ آزادی پسند اوربلوچستان لبریشن فرنٹ کے رہنما ڈاکٹر اللہ نذر بلوچ نے کہا ہے کہ پاکستانی خفیہ ادارے لاپتہ بلوچوں کی بازیابی کے لیے تاوان مانگ رہے ہیں۔

آزادی پسند رہنما ڈاکٹر اللہ نذر بلوچ نے سماجی رابطے کی ویب سائیٹ ٹیوٹر پر اپنے دو ٹیوٹس میں کہا کہ

پاکستانی ایم آئی (ملٹری انٹیلیجنس) ذاکر ولد محمد عصا کے خاندان سے تاوان کے لئے 20 لاکھ روپے مانگ رہی ہے۔ وہ ایک ڈرائیور ہے جسے ایم آئی نے آٹھ ماہ قبل پنجگور سے اغوا کیا تھا۔

انہوں نے ایک اور ٹیوٹ میں کہا کہ

سنہ 2016 میں، دالبندین کے رہائشی حفیظ اللہ کی والدہ نے ایک پریس کانفرنس میں کہا تھا کہ میجر نوید نے اسکے بیٹے کی رہائی کے لئے 6.8 ملین روپے طلب کیے ہیں۔ اس طرح کے کئی واقعات ہیں۔ پاکستانی فوج نے بلوچستان میں اغوا اور تاوان کا دھندا قائم کیا ہے۔

واضح رہے کہ مقبوضہ بلوچستان میں ایسے کئی واقعات سامنے آئے ہیں جس میں پاکستانی فورسز نے زیر حراست افراد کی بازیابی کے لیے تاوان کا مطالبہ کیا ہے،۔چند ایک رپورٹ ہوئے ہیں جبکہ سینکڑوں واقعات اس لیے رپورٹ نہیں ہو پھاتے کہ ریاستی فورسز کی خوف کی وجہ سے لواحقین خوف زدہ ہوتے ہیں کہ شاید انکے پیاروں کو نقصان نہ پہنچایا جائے۔