خاران میں آئی ایس آئی دفتر پر حملہ،دکی میں کوئلہ کان کا انجن ڈرائیور قتل

0
21

بلوچستان کے علاقے خاران شہر میں پاکستانی فوج کی خفیہ ایجنسی آئی ایس آئی کے دفتر پر دستی بم حملہ ہوا ہے ۔

آج بروز پیر کو مغرب کے وقت نامعلوم مسلح افراد نے خاران شہر میں شیخ مسجد کے قریب واقع خفیہ ادارے آئی ایس آئی کے مرکزی دفتر کو دستی بم حملے میں نشانہ بنایا ہے۔

حملے کے بعد پولیس و دیگر ریاستی اداروں نے علاقے میں ناکہ بندی کرکے تفتیش شروع کردی ہے۔

دوسری جانب ضلع دکی میں مقامی کوئلہ کان کا انجن ڈرائیور مسلح افراد کی چاقوئوں کے وار سے ہلاک ہوگیا۔

لیبر ذرائع کے مطابق دکی میں مقامی کوئلہ کان کا انجن ڈرائیور نامعلوم مسلح ڈاکوئوں کے چاقوئوں کے وار سے ہلاک ہوگیا۔

ان کا کہنا تھا کہ موبائل چھیننے کے دوران مزاحمت پر انجن ڈرائیور کو چاقوئوں کے وار کرکے قتل کردیا گیا ہے۔

ہلاک انجن ڈرائیور کی شناخت شراف الدین ولد خالقداد ترکئی سکنہ کلی ناخیل دکی کے نام سے ہوگئی ہے۔

ہلاک انجن ڈرائیور کی لاش کو سول ہسپتال دکی منتقل کردیا گیا ہے۔

LEAVE A REPLY

Please enter your comment!
Please enter your name here