بلوچستان کے علاقے پنجگور اور کوئٹہ میں فائرنگ ، ڈکیتی وروڈ حادثے سے 4 افراد ہلاک ہوگئے۔
پنجگور کے علاقے چتکان میں فائرنگ سے 2 افراد ہلاک اور ایک زخمی ہوگیا۔
پولیس ذرائع کے مطابق پنجگور کے علاقے چتکان میں فائرنگ سے لطیف ولد جلیل، امان اللہ ولد حسین ہلاک جبکہ آصف ولد المراد زخمی ہوگیا۔
ہلاک اور زخمی شخص کو ٹیچنگ اسپتال منتقل کیا گیا۔
دوسری جانب کوئٹہ کے علاقے قمبرانی روڈ پر موٹر سائیکل چھیننے کی واردات کے دوران مزاحمت کرنے پر کلیم اللہ بڑیچ نامی شخص کوقتل کردیا گیا۔
علاوہ ازیں کوئٹہ کے نواحی علاقے نواں کلی میںتیز رفتار موٹر سائیکل دیوار میں ٹکرانے سے ایک نوجوان ہلاک ہوگیا۔
نواں کلی بائی پاس کلی ناصران پر تیز رفتار موٹر سائیکل دیوار میں ٹکرانے سے ایک نوجوان ہلاک اور ایک زخمی ہوگیا۔
