بلوچستان ضلع کوہلو میں آج 2 مارچ کو بلوچ کلچر ڈے کی مناسبت سے بلوچ اسٹوڈنٹس آرگنائزیشن اور بلوچ اسٹوڈنٹس آرگنائزیشن ( پجار ) کی جانب سے کیفے ہوٹل میں تقریب کا انعقاد کیا گیا جبکہ بلوچ اسٹوڈنٹس آرگنائزیشن ( پجار ) نے نیشنل پارٹی کے ضلعی سیکرٹریٹ میں ثقافتی دن بنایا ہے جس میں بڑی تعداد میں لوگ شریک ہوئے۔
اس موقع پر بڑوں کے ساتھ بچے بھی خوبصورت رنگوں سے مزین بلوچی ملبوسات زیب تن کیے ہوئے تھے۔
تقریب میں ثقافتی دھنوں پر بلوچی رقص چاپ پیش کیے گئے جس نے تقریب کو چار چاند لگا دیے۔
تقریب میں بلوچی نڑسر اور ثقافتی موسیقی بھی پیش کی گئی۔
تقریب میں شریک کرنے والے فنکاروں نے پرفامنس دکھا کر شائقین سے خواب داد وصول کی۔
تقریب میں بلوچستان کی روایات اور تاریخی ورثے کو اجاگر کرنے کے لئے مختلف اشیا کی نمائش بھی کی گئی۔
تقریب میں شریک افراد کا کہنا تھا کہ زندہ قومیں وہی ہوتی ہیں، جو اپنی ثقافت کو زندہ رکھتی ہیں آج کا دن اس عہد کی تجدید کا بھی دن ہے کہ آئندہ آنے والی نسلوں کو اپنی قدیم ثقافت سے روشناس کرایا جائے گا۔
