بلوچستان کے ساحلی شہر اور سی پیک مرکز گوادر میں پاکستانی فوج کے ہاتھوں جبری گمشدگی کے شکار لالا رفیق اور نوجوان بالاچ بلوچ کی عدم بازیابی کے خلاف ان کے خاندان سمیت خواتین و بچوں نے احتجاجی ریلی نکالی۔
احتجاجی ریلی پاک چائنا اسکول گوادر کے مقام سے شروع ہوکر ایئر پورٹ روڈ سے ہوتی ہوئی شنکانی در کے قریب کوسٹل ہائی وے پر پہنچ کر احتجاجی دھرنے میں تبدیل ہوگئی۔
احتجاجی مظاہرین نے مکران کوسٹل ہائی وے کو ہر قسم کی ٹریفک کیلئے بلاک کردیا۔
کوسٹل ہائی وے کی بندش سے گوادر سے کراچی اور کوئٹہ آنے جانے والی ٹریفک معطل ہوگئی ہے۔
یاد رہے کہ لالا رفیق کو دو ماہ قبل لاپتہ کیا گیا تھا۔
مظاہرین لالا رفیق اور نوجوان بالاچ بلوچ کی رہائی کا مطالبہ کررہے ہیں۔
