سندھ کے دار الحکومت کراچی سمیت مقبوضہ بلوچستان کے علاقے تربت سے مختلف اوقات میں پاکستانی فورسز کے ہاتھوں حراست بعد جبری گمشدگی کے شکار بننے والے چار افراد بازیاب ہوکر اپنے گھروں کو پہنچ گئے ہیں۔
چاروں افراد کی بازیابی کی تصدیق انکے رشتہ داروں اور قریبی ذرائع نے کردی ہے،اطلاعات کے مطابق 30 جنوری 2021 کو کراچی کے علاقے لیاری گل محمدی لین سے رینجرز اور خفیہ اداروں کے ہاتھوں جبری گمشدگی کانشانہ بننے والا سلطان سعید دو سال بعد بازیاب ہوکر گھر پہنچ گیا ہے۔
ہفتہ قبل تربت سے پاکستانی فورسز کے ہاتھوں حراست بعد لاپتہ ہونے والا قاسم بھی آج بازیاب ہوگئے ہیں، گذشتہ روز بازیاب ہونے والے دو نوجوانوں میں تربت گور گپ کے رہائشی صمد عصا ولد عصا اور ساقم ولد شہداد شام ہیں۔
