ڈاکٹر اللہ نذر کا بلوچ قوم سے ایک بار پھر الیکشن میں حصہ نہ لینے کی اپیل

آزادی پسند بلوچ رہنما اور بلوچستان لبریشن فرنٹ کے سربراہ ڈاکٹر اللہ نذر بلوچ نے مائیکرو بلاگنگ ویب سائٹ ایکس پر بلوچی میں لکھے گئے اپنے دو سلسلہ وار پوسٹ میں بلوچ قوم سے پاکستانی عام الیکشن میں حصہ نہ لینے کی اپیل کی ہے ۔

ڈاکٹر اللہ نذر بلوچ نے کہا کہ میں بلوچ قوم سے دست بستہ گذارش کرتا ہوں ہوں کہ وہ آنے والے عام انتخابات میں حصہ نہ لیں۔

انہوں نے کہا کہ ہر عام بلوچ کو یہ جانکاری دی جائے کہ انہی اسمبلیاں ہمارے لوگوں کے قتل عام ، جبری گمشدگیوں اور جلاوطنی سمیت گائوں وقصبوں کوبلڈوز کرنے میں ملوث ہیں۔

ڈاکٹر اللہ نذر بلوچ کا کہنا تھا کہ ان اسمبلیوں کے ارکان خود اعتراف کرچکے ہیں کہ ان کے ہاتھ میں کچھ نہیں ، وہ بے اختیارہیں۔

انہوں نے کہا کہ ہم سب نے خود دیکھا ہے کہ ان کی وجہ سے سی پیک کے نام سے گوادر کو بیچا گیا ہے جو آج 75 فیصد چین اور 25 فیصد اسلام آبادکھارہاہے۔

بلوچ رہنما کا کہنا تھا کہ یہ پارلیمان پرست ان ناکامیوں کا کود اعتراف کرتے ہیں ۔اب بلوچ قوم خود فیصلہ کرے کہ یہ کیاکرسکتے ہیں۔؟