پاکستان کے دارلحکومت اسلام آباد میں بلوچ نشل کشی و جبری گمشدگیوں کیخلاف جاری دھرنامنتظم بلوچ یکجہتی کمیٹی نے پاکستانی سیکورٹی فورسز کے ہاتھوں بلوچ نسل کشی و جبریاں گمشد گیاں روکنے کیلئے اقوام متحدہ کے نام آن لائن پٹیشن دائر کردی ہےجس میں امریکی صدر ،فرانسیسی صدر،اقوام متحدہ کے سیکرٹری جنرل ،امریکی سینیٹ ،سابق برطانوی وزیر اعظم بورس جانس اور عالمی انسانی حقو ق تنظیم ایمنسٹی انٹرنیشنل کو بھی نامز د کیا گیا ہے۔
اقوام متحد ہ کے نام آن لائن پٹیشن میں بلوچ نسل کشی وجبری گمشدگیاں روکنے کیلئے فیکٹ فائنڈنگ مشن بھیجنے کا مطالبہ کیا گیا ہے۔
چوبیس گھنٹے قبل دائر کی گئی اس آن لائن پٹیشن میں لوگ بڑی تعداد میں حصہ لے رہے ہیںاور اب تک 15 ہزار سے زائد افراد نے اس پر دستخط کیے ہیں۔
بلوچ یکجہتی کمیٹی کی جانب سے دائر کی گئی اس پٹیشن کے تعارف میں کہا گیا ہے کہ یہ پٹیشن اقوام متحدہ اور انسانی حقوق کی تنظیموں سے بلوچ نسل کشی پر ایکشن لینے کی اپیل ہے اور حکام کو بلوچستان میں انسانی حقوق کی خلاف ورزیوں کا ذمہ دار ٹھہرایا گیا ہے۔ ہماری پوری پوری استدعا ہے کہ اقوام متحدہ بلوچستان میں انسانیت کے خلاف ہونے والے جرائم کی تحقیقات کے لیے اقوام متحدہ کے ورکنگ گروپ کی سربراہی میں فیکٹ فائنڈنگ مشن بھیجے۔
تعارف میں مزید کہا گیا کہ بلوچ نسل کشی کو اکثر تسلیم نہیں کیا جاتا اور اسے پوشیدہ رکھا جاتا ہے، بنیادی طور پر بین الاقوامی توجہ کی کمی اور پاکستان کے اندر اس منظم نسل کشی کی تحقیقات اور اسے اجاگر کرنے کے لیے کسی آزاد اتھارٹی کی عدم موجودگی کی وجہ سے۔ لیکن، ہمیں بلوچستان میں طاقت کے پرتشدد استعمال سے حقیقی معنوں میں اس خطرے کا سامنا ہے۔ جہاں پچھلی دو دہائیوں سے فوجی جارحیت میں شدت آئی ہے اور ہزاروں بلوچ مارے گئے، جبری طور پر لاپتہ، دیہات جلائے گئے اور آئی ڈی پیز کی زندگی گزارنے پر مجبور ہوئے۔ ریاستی اور غیر ریاستی عناصر جیسے ڈیتھ اسکواڈز بلوچستان میں درج ذیل طریقوں سے اپنی نسل کشی کی پالیسیاں استعمال کرتے ہیں، جن پر شاذ و نادر ہی توجہ ملتی ہے۔
پٹیشن میں مطالبہ کیا گیا ہے کہ اقوام متحدہ کے ورکنگ گروپ کی سربراہی میں فیکٹ فائنڈنگ مشن بھیجا جائے۔بلوچستان میں انسانی حقوق کی خلاف ورزیوں کی تحقیقات کریں۔بین الاقوامی حکام سے بلوچ نسل کشی پر کارروائی کرنے اور بلوچستان میں انسانی حقوق کی خلاف ورزیوں کی تحقیقات کے لیے اقوام متحدہ کے ورکنگ گروپ کی سربراہی میں فیکٹ فائنڈنگ مشن بھیجنے کے لیے ہماری پٹیشن پر دستخط کریں۔
پٹیشن میں مطالبہ کیا گیا ہے کہ ہمیں ریاست کی نسل کشی کی پالیسیوں کا مقابلہ کرنے کے لیے اس اہم وقت پر آپ کی حمایت اور توجہ کی ضرورت ہے۔ ہمیں دنیا کے تمام ضمیر فروشوں سے چاہیے کہ وہ اس پٹیشن پر دستخط کریں اور اسے اپنے سوشل میڈیا چینلز پر شیئر کریں اور ایک قوم کو تباہی کے دہانے سے بچانے کے لیے متحد ہو جائیں۔
