پاکستان کے صوبہ سندھ کے دارلحکومت کراچی کے بلوچ علاقے ملیر میں گذشتہ دنوں اسلام آباد میں جاری بلوچ لاپتہ افراددھرنامظاہرین سے اظہار یکجہتی کیلئے منعقدہ ریلی کے شرکا پر ایف آئی آر درج کرلیا گیا ہے۔
بلوچ یکجہتی کمیٹی کے زیراہتمام بلوچ نسل کشی و جبری گمشدگیوںکیخلاف اسلام آباد میں دھرناجاری ہے، جن سے اظہار یکجہتی کیلئےبلوچستان وپاکستان بھر میں یکجہتی مظاہرے منعقد کیئے جارہے ہیں۔
اس سلسلے میں ملیر کراچی میں اتوار کے روز یکجہتی ریلی نکالی گئی، جن پر پولیس نے حکومت کے خلاف نعرے بازی کرنے اور ساؤنڈ سسٹم کے استعمال پر ایف آئی آر درج کر لیا ہے۔
ایف آئی آر میں خضر خان، اکرم بلوچ، بالاچ بلوچسمیت دیگر 1000 سے 1500 افراد کو شامل کیا گیا ہے۔
واضع رہےکہ 23 نومبر کو شروع ہونے والے اس عوامی تحریک کے قائدین ڈاکٹر ماہ رنگ بلوچ ، سمی دین بلوچ ، گلزاردوست بلوچ سمیت دیگر سینکڑوں افراد کیخلاف خضدار ، کوہلو، قلات ، خیرپور،ڈیرہ غازی خان ، تونسہ شریف ، اسلام آباد ،کراچی وبلوچستان دیگر علاقوں میں ایف آئی آر درج کئے گئے ہیں تاکہ اس تحریک کو روکا جاسکے لیکن تمام تر ریاستی حربے و رکاوٹیں تحریک کے سامنے خش وخاشاک کی مانند ثابت ہوری ہیں۔