بلوچستان کے ضلع کیچ کے مرکزی شہر تربت میں 23 نومبر کوسی ٹی ڈی کے ہاتھوںبالاچ بلوچ کے قتل کیخلاف منعقدہ احتجاجی دھرنے میں شرکت کرنے پر ضلع بھر کے 30 سے زائد سرکاری ملازمین کومعطل کردیاگیا ہے۔
سرکاری نوٹیفکیشن کے مطابق مذکورہ ملازمین کو ریاست مخالف دھرنے میں شرکت پر معطل کیا گیا ہے ۔
دوسری جانب سیاسی و سماجی حلقوں کا اس اقدام کی بھرپور مذمت کرتے ہوئے کہناہے کہ بالاچ کا ماورائے عدالت قتل انسانی حقوق کی پامالی تھی اور عدالت میں انکا ٹرائل چل رہا ہے، اسے ریاست مخالف سرگرمی قرار دینا سراسر زیادتی ہے۔
واضع رہے کہ اسلام آباد میں جاری دھرنانے پنجاب سمیت پاکستان بھر کے عوام میں ایک آگہی پیدا کی ہے جس سے ملٹری اسٹیبلشمنٹ مکمل طور پر حواس باختہ ہے اور وہ دھرنے کو ختم کرنے کیلئے مختلف حربے استعمال کر رہا ہے ۔
