ڈنمارک کی ملکہ مارگریتھ دوم نے 52 سال بر سرِ اقتدار رہنے کے بعد عہدہ چھوڑنے کا اعلان کر دیا۔
برطانوی نشریاتی ادارے ’بی بی سی‘ کی رپورٹ کے مطابق مارگریتھ نے نئے سال کی تقریب سے خطاب کے دوران اقتدار سے دستبرداری کا اعلان کیا۔
ملکہ مارگریتھ نے اپنے خطاب میں کہا کہ وہ 14 جنوری کو اقتدار اپنے بیٹے شہزادہ فیڈرک کو سونپ دیں گی۔
انہوں نے واضح کیا کہ اقتدار چھوڑنے کا یہ فیصلہ 2023 کے اوائل میں کمر کی سرجری کے بعد کرلیا تھا۔
