بلوچستان کے سورش زدہ ضلع آوارن کے علاقے مشکے میں فوجی آپریشن کے نام پر گذشتہ دو دنوں سے پاکستانی فوج کی زمینی و فضائی جارحیت جاری ہے ۔
اطلاعات ہیں کہ زمینی دستے پورے علاقے میں پھیل چکے ہیںجبکہ ہیلی کاپٹر وں کی پروازیں بھی جاری ہیں۔
علاقائی ذرائع کے مطابق پورے علاقے کی مواصلاتی نظام بند ہے،انٹر نیٹ سمیت علاقے کی داخلی وخارجی راستے آمدو رفت کیلئے بھی بند کیے گیے ہیں ۔
ذرائع بتاتے کہ مشکے میں آپریشن کے نام سے جاری فوجی جارحیت وسیع پیمانے پر ہورہی ہے ۔گھر گھر تلاشی ، خواتین و بچوں پرتشدد وہراسانی سے لوگوںکو گھروں میں محصور کردیا گیاہے ۔
اب تک کی اطلاعات کے مطابق کسی قسم کی کوئی گرفتاری وجبری گمشدگی نہیں ہوئی ہے ۔
ذرائع بتاتے ہیں کہ آج صبح مشکے کے پہاڑی سلسلے میں ہیلی کاپٹروں کے ذریعے شیلنگ کی بھی اطلاعات ہیںتاہم کسی قسم کی کوئی نقصان کی اطلاعات سامنے نہیں آئی ہے۔
