بلوچستان کے ضلع پنجگورمیں پنجگور سول سوسائٹی کی جانب سے 28 نومبر کو تربت میں بالاچ بلوچ کی ماورائے عدالت قتل کے خلاف احتجاجی مظاہرے کا انعقاد کیا گیا اور انکے لواحقین کے ساتھ اظہار یکجہتی کی گئی۔
مظاہرین نے بالاچ کے لواحقین کے مطالبات تسلیم کرنے پر زور دیا۔
مظاہرے میں لاپتہ افراد کے لواحقین بھی شریک تھے جنہوں نے اپنے پیاروں کی تصاویر اٹھا رکھی تھیں اور انکی بحفاظت بازیابی و جبری گمشدگیوں کے سلسلے کے خاتمے کا مطالبہ کیا گیا۔
واضع رہے کہ ضلع کیچ کے مرکزی شہر تربت کے علاقے بانک ئِ چڑھائی میں گذشتہ دنوں 22نومبر کی رات سی ٹی ڈی نے ایک جعلی مقابلے میں 4افراد کو قتل کرکے 23 نومبر کو ان کی لاشیں تربت ٹیچنگ ہسپتال میںمنتقل کردیںاور دعویٰ کیا کہ ایک مقابلے میں مذکورہ افراد ہلاک ہوئے ہیں۔
ان چاروں افراد کی شناخت بطور لاپتہ افراد کے ہوگئی ہے جنہیں مختلف اوقات میں پاکستانی فورسز نے مختلف علاقوں سے حراست میں لیکر جبری گمشدگی کا نشانہ بنایا تھا۔
جعلی مقابلے میں قتل کئے گئے ان چار افراد میں بالاچ مولابخش کے اہلخانہ و دیگر سیاسی سماجی حلقے گذشتہ 5دنوں سے تربت میں سراپا حتجاج ہیں اور شہید فدا چوک پر میت کے ہمراہ دھرنا دیئے بیٹھے ہیں۔جبکہ سیشن کورٹ نے پولیس کو بالاچ کے جعلی مقابلے میں قتل کامقدمہ درج کرنے کا حکم دیا ہے لیکن اب تک اس پر عملدرآمد نہیں ہوسکا۔
