بلوچستان کے ضلع کیچ کے مرزکی شہر تربت میں سی ٹی ڈی کے ہاتھوں جعلی مقابلے میں قتل ہونے والے بالاچ مولابخش کے لواحقین کا دھرنا میت کے ساتھ شہید فدا احمد چوک تربت پر جمعرات کی صبح سے جاری ہے جن سے رات کے آدھے پہر ایڈیشنل ڈپٹی کمشنر عبدالستار بگٹی اور ڈسٹرکٹ کونسل کیچ کے چیئرمین میر ھوتمان نے مذاکرات کیئے۔
مذاکراتی وفد نے لواحقین سے مقتول بالاچ بلوچ کی میّت کو دفنانے کی درخواست کی اور انصاف کی رسائی کا عہد کیا۔
لواحقین نے ضلعی مذاکراتی وفد کی پیشکش کو مسترد کرتے ہوئے دھرنا جاری رکھنا کا اعلان کیا۔
مظاہرین نے مطالبہ کیا کہ جعلی مقابلے دعویدار سی ٹی ڈی پولیس ایس ایچ او پر بالاچ بلوچ کے قتل کا مقدمہ درج کیا جائے۔
علاوہ ازیں وقوعہ کی تحقیقات کیلئے جوڈیشل انکوائری کمیشن کی تشکیل، لاپتہ افراد کی بازیابی اور آئندہ ایسے واقعات کی روک تھام کی یقین دہانی وزیر اعلیٰ بلوچستان اور وزیراعظم پاکستان کریں۔