پاکستان کے نگران وزیر داخلہ سرفراز بگٹی نے ملک میںفورسزپرحالیہ حملوں کی مذمت کرتے ہوئے کہا ہے کہ ان حملوں کے پیچھے ایک ہی دشمن موجود ہے۔
سوشل میڈیا پلیٹ فارم ’ایکس‘ پر اپنے پیغام میں نگران وزیر داخلہ نے کہا ہے کہ ڈی آئی خان، پسنی اور میانوالی میں حملہ آورشدت پسندوں کے نام الگ ضرور ہوں گے لیکن پس پردہ دشمن ایک ہی ہے۔
انھوں نے لکھا کہ ’دہشت گردی کی حالیہ لہر پاکستان کو دوبارہ بے یقینی اور عدم استحکام کا شکار کرنے کی سازش ہے۔‘
سرفراز بگٹی کے مطابق ’تمام سول اور ملٹری ادارے یک جان ہو کر خون کے آخری قطرے تک ملک کا دفاع کریں گے اور دشمنوں کی سازشوں کو ناکام بنائیں گے۔‘
