بلوچستان کے ساحلی شہر اورماڑہ کے علاقے تلوبند کنزروینسی میں تلوبند وائلڈ لائف کنزرویشن سوسائٹی کے صدر سید معیار جان نوری کی سربراہی میں تلوبند مینجمنٹ نے سولہ چنکارہ ہرن اور کچھ دیگر اقسام کے جنگلی جانور کھلے میدان میں چھوڑ دیے۔
تلوبند کنزروینسی میں جنگلی جانوروں کے چھوڑنے کا مقصد جنگلی حیات کی افزائش نسل اور بلوچستان کی خوبصورتی میں ایک انمول اضافہ کے لیئے کیا گیا۔
واضع رہے کہ تلوبند کنزروینسی سیدمعیار جان نوری کی سربراہی میں سن دو ہزار دس میں وجود میں لایا گیا۔ اس وقت اس علاقے میں جنگلی حیات ختم ہونے کے قریب تھی۔ جبکہ اب اس علاقے میں ہزاروں کی تعداد میں آئی بکس، اڑیال، چنکارہ ہرن اور دیگر جنگلی حیات پائے جاتے ہیں۔
