شہید شاہینہ شاہین اکیڈمی آف آرٹس کی جانب سے ضلع کیچ کے مرکزی شہر تربت میںدو روزہ آرٹ ایگزیبیشن کے انعقادکا اعلان کیا ہے۔
اس سلسلے میں شہید شاہینہ شاہین اکیڈمی آف آرٹس کی جانب سے جاری کردہ پریس ریلیز کے مطابق 18 تا 19 ستمبر کو اکیڈمی واقع اوورسیز کالونی تربت میں دو روزہ آرٹ ایگزیبیشن کا انعقاد ہوگا جس میں بلوچستان کے ٹیلنٹڈ آرٹسٹ اپنے فن پارے ڈسپلے کرینگے۔
آرٹ ایگزیبیشن میں شاہینہ شاہین کے اپنے فن پاروں کے ساتھ احمد ابنِ سکینہ، شاہینہ راشد، صدف بشیر اور رضوان قاضی کے آرٹس ڈسپلے کیئے جائیں گے۔
اس ضمن میں اکیڈمی کی سربراہ معصومہ شاہین نے فن سے شغف رکھنے والے افراد سمیت سماجی و سیاسی رہنماؤں سے شرکت کی گزارش کی ہے اور آرٹسٹوں کی حوصلہ افزائی کے امید کا اظہار کیا ہے۔
