پاکستان پیپلز پارٹی کے سینیٹر رضا ربانی نے کہا ہے کہ صدر مملکت کے بیان کی وجہ سے قانون سے زیادہ حقائق پر سوالات اٹھے ہیں، حقائق جاننے کےلیے ہول سینیٹ آف پاکستان پر مشتمل انکوائری کمیٹی بنائی جائے۔
صدر مملکت عارف علوی کے ٹوئٹ پر بیان دیتے ہوئے سینیٹر رضا ربانی نے کہا کہ صدر اور ان کے اسٹاف کو سینیٹ کی کمیٹی میں پیش ہونا چاہیے۔
رضا ربانی نے کہا کہ اگر صدر مملکت حقائق غلط پیش کرنے کے مرتکب پائے جائیں تو ان کے خلاف آئین اور قانون کے مطابق کارروائی کی جائے۔
سینیٹر رضا ربانی کا کہنا تھا کہ صدر کے الزامات سنگین نوعیت کے ہیں جس کے نظام پر دور رس اثرات ہوں گے۔
