بلوچستان کے صنعتی شہر حب میں کراچی پولیس کی جانب سے ایک کونسلر کی گرفتاری کیخلاف عوام نے احتجاجاًآر سی ڈی کوشاہراہ بلاک کردیا۔
آمدہ اطلاعات کے مطابق کراچی پولیس نے حب چوکی کے علاقے صدر تھانے کے حدود لاسی روڈ میں گزشتہ شب چھاپہ مار کر کونسلر جعفر رند کو گرفتار کر لیا تاہم گرفتاری کی وجوہات سامنے نہیں آسکیں۔کونسلر کی گرفتاری کے خلاف عوام نے احتجاجاً آر سی ڈی روڑ آمد و رفت کیلئے بند کردیا ہے۔
ذرائع کا کہنا ہے کہ کراچی پولیس بغیر لیڈی کانسٹیبل کے چادر چار دیواری کی تقدس کو پامال کرتے ہوئے کونسلر جعفر رند کے گھر میں داخل ہوا اور بھوتانی گروپ کے سرگرم رکن اور کونسلر جعفر رند کو گرفتار کر کے اپنے ہمراہ لے گئے۔
تاہم جعفر رند کی فیملی کا کہنا ہے حب شہر میں کراچی پولیس کی انٹری اور گرفتاری کے باوجود صدر پولیس حب خواب خرگوش کے نیند میں مبتلا ہے۔ انکی غفلت کی وجہ سے کراچی پولیس آئے روز حب میں چھاپہ مار کارروائی کرکے شہریوں کو گرفتار کرکے لے جاتی ہے۔
دریں اثنا کرنسلر جعفر رند کی گرفتاری کے خلاف مین آرسی ڈی روڈ بھوانی کے مقام گزشتہ شب سے بند کیا گیا ہے۔
