بلوچستان کے ضلع کیچ اور ضلع آواران سے تعلق رکھنے والے دو نوجوانوں کو پاکستانی فورسزو خفیہ اداروں نے کراچی میں حراست میں لیکر جبری طور پر لاپتہ کردیا ہے ۔
سنگر کو ملنےو الی اطلاعات کے مطابق گزشتہ رات نماز عشا کہ بعد پاکستان کے صوبہ سندھ کے مرکزی شہرکراچی میں آغا خان ہسپتال کے قریب پاکستانی فورسز اور خفیہ اداروں کے کارندے ڈیتھ اسکواڈنے ایک نوجوان کو اٹھانے کے بعد لاپتہ کردیا، جس کے بعد وہ لاپتہ ہیں ۔
لاپتہ کئے گئے نوجوان کی شناخت طفیل ولد شیر محمد سکنہ مند ضلع کے نام سے ہوگئی ہے ۔
جبکہ دوسری جانب خفیہ اداروں کے اہلکاروں اور ڈیتھ اسکوائڈ نے مشکے پروار کے رہائشی نوجوان ملک دینار ولد محمد اقبال کو دو روز قبل مرشد ہسپتال سے حراست میں لیکر جبری طورپرلاپتہ کردیا تھا ۔
ملک دینار کی تا حال کسی قسم کی کوئی خیر خبر نہیں ہے ۔
