ضلع کیچ کے علاقے زامران اور ضلع پنجگور علاقے پروم میں پاکستانی فوج کی جانب سے آپریشن کا آغاز کردیا گیا ہے بڑی تعداد میں زمینی فوج سمیت چھ گن شپ ہیلی کاپٹر بھی آپریشن میں شامل ہیں۔
مقامی ذرائع کے مطابق آج علی الصبح بلیدہ سے بڑی تعداد میں پاکستانی زمینی فوج زامران کی طرف روانہ ہوئی ہے،اور تازہ اطلاعات کے مطابق شدید نوعیت کا آپریشن جاری ہے۔
اطلاعات کے مطابق آپریشن میں زمینی فوج کو جنگی ہیلی کاپٹروں کی مدد بھی حاصل ہے۔زامران کے علاقے ناگ سمیت مختلف مقامات پر گن شپ ہیلی کاپٹروں کی شیلنگ کی اطلاعات ہیں۔
دوسری جانب پنجگور کے علاقے پروم سے اطلاعات ہیں کہ پروم کے پہاڑی سلسلے میں آج صبح سے پاکستانی فوج کا فضائی آپریشن جاری ہے اور کئی مقامات پر جنگی ہیلی کاپٹروں نے شیلنگ کی ہے۔
علاقہ دور دراز، راستوں پر ناکہ بندی اور مواصلاتی نظام نہ ہونے کی وجہ سے دیگر تفصیلات تک رسائی میں مشکلات کا سامنا ہے۔
