بلوچستان کے ضلع قلعہ سیف اللہ کے علاقے میں کٹھ پتلی وزیراعلیٰ بلوچستان قدوس بزنجوکے کوآرڈینیٹر کے بیٹے کیخلاف بھتہ نہ دینے پر آئل ٹینکر کو جلانے کا مقدمہ درج کر لیا گیاہے۔
سرکاری ذرائع کے مطابق لیویز تھانہ مسلم باغ میں گاڑی کو جلا نے کامقدمہ سلام خان سمیت 3 افراد کے خلاف در ج کر لیا گیا ہے۔
مقد مہ عبدالمالک نامی شخص کی مد عیت میں تعزیرات پاکستان کی مختلف دفعات کے تحت درج کیا گیا ہے۔
آئل ٹینکر میں ڈیزل میختر لے جایا جارہا تھا۔ بھتہ نہ دینے پر سلام خان مہترزئی اور ان کے ساتھیوں نے آئل ٹینکر پر فائرنگ کی ۔
فائرنگ سے گاڑی مکمل طور پر جل گئی۔
گاڑی میں لاکھوں روپے کا تیل بھی جل کر ضائع ہوگیا ۔
