وائس فار بلوچ مسنگ پرسنز کے وائس چیئرمین ماما قدیر بلوچ نے ایک ویڈیو پیغام کے ذریعے کہا ہے کہ وہ لاپتہ افراد کی بازیابی کیلئے گزشتہ پندرہ سالوں سے احتجاج کررہے ہیں اور انکا بھوک ہڑتالی کیمپ بھی مسلسل قائم ہے۔ انہوں نے تین ہزار کلو میٹر پیدل لانگ مارچ بھی کیا ہے، مگر لاپتہ افراد کا مسئلہ حل نہیں ہورہا۔
انہوں نے ویڈیو بیان میں کہا ہے کہ وہ سویٹزرلینڈ میں اقوام متحدہ کے مرکزی دفتر کو خط لکھ چکے ہیں کہ وہاں تک احتجاج کرنا چاہتے ہیں جسکی انہیں اجازت مل چکی ہے اور وہ جلد پیدل مارچ کرنے یورپ روانہ ہونگے۔
انہوں نے مزید کہاکہ لاپتہ افراد کا مسئلہ سنگین ہے، اس کے لئے ہر فورم تک وہ آواز اٹھائیں گے۔ انہوں نے ماضی بھی مختلف حکومتی کمیٹیوں اور کمیشنوں کے آگے پیش ہونے کا ذکر کیا، اور آئندہ بھی مسئلے کے حل تک جدوجہد جاری رکھنے کا عندیہ دیا۔