طلبا رہنما ذاکر مجید بلوچ کی پاکستانی فورسز کے ہاتھوں جبری گمشدگی کو 14سال مکمل ہونے پر8 جون کو کراچی میں علامتی بھوک ہڑتالی کیمپ لگانیکا اعلان کیا گیا ہے ۔
ذاکر مجید بلوچ کی والدہ کی اپیل پر کراچی میں بھی اس دن احتجاج ہوں گے ۔
فیملی کی جانب سے میڈیا کو جاری کردہ ایک اعلامیہ میں اعلان کیا گیا ہے کہ 8 جون کو کراچی پریس کلب کے سامنے صبح بارہ بجے سے لیکر شام 6 بجے تک ایک علامتی احتجاجی بھوک ہڑتالی کیمپ لگے گا۔
وائس فار بلوچ مسنگ پرسنز نے زاکر مجید کی والدہ کی اپیل پر اس احتجاج کی حمایت کی اور وی بی ایم پی کے جنرل سیکرٹری سمی دین بلوچ نے کراچی کے رہنے والے ہر طبقہ فکر کے لوگوں، انسان دوست، انسانی حقوق کے کارکنان، سیاسی اور سماجی کارکنان سے اس احتجاج میں شرکت کرنے کی اپیل کی گئی ہے، تاکہ وہ احتجاج میں حصہ لیکر زاکر مجید کی بازیابی کیلئے آواز اٹھائیں ۔
