بلوچستان لبریشن فرنٹ کے سربراہ ڈاکٹر اللہ نذر بلوچ نے سماجی رابطے کی ویب سائیٹ ٹیوٹر پر اپنے تین ٹیوٹس کے تھریڈ میں کہا ہے کہ سپریم کورٹ متنازعہ ہے یہاں تک کہ پاکستان کے موجودہ اور سابق وزرائے اعظم بھی اس پر اعتماد کھو چکے ہیں۔
انہوں نے کہا کہ فوجی جنتا کے زیر اثر کرپٹ پاکستانی عدالتوں کے بارے میں امریکی محکمہ خارجہ کی حالیہ رپورٹس ظاہر کرتی ہیں کہ شفافیت نہیں ہے۔ پھر بلوچ اس عدلیہ پر کیسے یقین کریں؟ دوسری جانب پاکستان کی حکمران جماعت اس کے حالیہ فیصلے کو تسلیم نہیں کر رہی۔
انہوں نے کہا کہ بلوچ قومی تحریک آزادی کو کچلنے کے لیے عدلیہ اور فوج ایک پیج پر ہیں۔
بلوچ رہنما نے مزید کہا کہ اسٹیٹ ڈپارٹمنٹ،اقوام متحدہ کے سیکرٹری جنرل انتھونیگوٹرس،یو این ایچ سی آر،امریکی صدر، ایمنسٹی بلوچستان میں پاکستان کے اقدامات کا نوٹس لیں۔ ہم اقوام متحدہ سے اپیل کرتے ہیں کہ بلوچستان کو متنازعہ علاقہ قرار دے کر فیکٹ فائنڈنگ مشن بھیجے۔
