بلوچستان کے دار لحکومت کوئٹہ میں سریاب روڈ پر پولیس اہلکاروں کی جانب سے شہری پر تشددکرنے پر علاقہ مکینوں نے واقعہ کیخلاف شدید احتجاج کیا۔
سریاب روڈ برما ہوٹل کے قریب رہائشیوں نے ایگل فورس کی زیادتی کیخلاف شدیداحتجاج کیا۔
ذرائع کے مطابق سریاب روڈ برما ہوٹل کے قریب پولیس اہلکاروں نے نوجوان کو روک کر تلاشی لینے کا کہا، جیب سے پیسے نکلنے پر اہلکاروں نے نوجوان اور اس کے بھائی پر تشدد کرکے زخمی کردیا۔
پولیس اہلکاروں کے ناروا سلوک کیخلاف علاقہ مکینوں نے سریاب روڈ پر احتجاج کیا اور حکام بالا سے ملوث اہلکاروں کیخلاف کارروائی کا مطالبہ کیا۔
