بلوچ ریپبلکن گارڈ کے ترجمان دوستین بلوچ نے ایک بیان میں کہا ہے کہ تنظیم کی نئی شہری گوریلا یونٹ پرویز اربن واریئر ز (PUW) نے بلوچستان کے مختلف علاقوں میں سرکاری و فوجی تنصیبات اور ناکہ بندیوں کو نشانہ بنایا ہے۔
ترجمان کی جانب سے ان حملوں میں 35 اہلکاروں کی ہلاکت اور اسلحہ ضبط کرنے کا دعویٰ کیا گیا ہے۔
انہوں نے کہا کہ کارروائیاں تاحال جاری ہیں اور مکمل آپریشن کے اختتام پر تفصیلی رپورٹ جاری کی جائے گی۔
بلوچ ریپبلکن گارڈ نے اپنی پہلی شہری ذیلی یونٹ ’پرویز اربن واریرز‘ کا قیام مقتول کمانڈر پرویز ڈومکی کے نام سے منسوب کیا ہے۔
تنظیم کے مطابق پرویز ڈومکی 2013 میں گروہ میں شامل ہوئے تھے اور 2021 میں سبی کے علاقے میں جھڑپوں کے دوران اپنی والدہ کے ساتھ مارے گئے تھے۔ نئی یونٹ کا نام ان کی یاد میں رکھا گیا ہے۔
